اصنعى تحف جميلة

المساهمات : 34 تاريخ التسجيل : 04/11/2009

انهارده انا جيبالكم موضوع جميل وبسيط جدا وان شاء الله يارب تستفيدو منه

بسم الله الرحمن الرحيم

اولا المقادير :
اصنعى تحف جميلة 7f9c097975279a4d4a2216dd73f6c617_lm

زى ماشايفين عباره عن : اى اشكال او مجسمات زجاجيه برطمانات بأى احجام +فلوت اللى هو ورنيش + قواقع واصداف وخرز + اسبريه دهبى وفضى + تنر او تربنتينه + طبق + فرشاة +جليتر + ملعقه +ماء + كوب جبس + كوب رمل ابيض بتاع البحر + ونصف كوب اسمنت ابيض + وعاء لعجن المكونات انا اخدت زجاجة بيبسى وقصيتها عشان بعد الشغل حتترمى .

الطريقه :

اولا :

اصنعى تحف جميلة Bb83ccf488ba3030c593ac014803ab4c_lm

نخلط كلا من الجبس والاسمنت والرمل فى الطبق ونقلبهم بالملعقه جيدا حتى يمتزجو

اصنعى تحف جميلة 3ce92dea0e4e66cf2278e9737b9379bb_lm

وبعدين ناخد كميه صغيره ونعجنها بالماء فى وعاء كما هو مبين فى الصوره معايا لحد هنا

اصنعى تحف جميلة 554ad24da9740019fc37164999d4d912_lm

بعد العجن وبسرعه شويه نبدأ بتوزيع الخليط دا على جدار اى مجسم انت حابه انك تزينيه وانا اخترت هنا مجموعه منها كاس ومنها طبق ومنها زجاجة كاتشب وبرطمانات بأحجام مختلفه

اصنعى تحف جميلة 7912e2a165230b0e427382c0d0f3af3d_lm

وبعد مايخلص او جنب من جوانب المجسم نبدأ بتوزيع الخرز او اللولى والقواقع بشكل عشوائى مع الضغط عشا يجف الخليط ويمسك كل حاجه حطيناها سواء الخرز او الصدف او القواقع فهمتو ليه بقول بسرعه عشان طبعا الاسمنت والجبس بيسخنو ويجفوا بسرعه ولو جف قبل ما نزين حيبقى زى الحيط فا احنا بنعمل شويات شويات عشان مايجفش مننا بسرعه وبرضو جمب جمب لغاية مايخلص المجسم كله ودى صور توضح كلامى

اصنعى تحف جميلة 59eae6a1e92b821d88d448ddd694d00b_lm

وبعد مانخلص كل الشغل نسيبهم يجفو خااالص ممكن اربع او خمس ساعات معايا لحد هنا ودا الشكل النهائى بعد الخطوات اللى فاتت

اصنعى تحف جميلة 967ff5064af2c9d60fa03f5b56fbf75d_lm

نيجى بقى لخطوة الاسبريه وهى طبعا بالنسبه للالوان حسب اختيارك ممكن ازرق مع دهبى او فضى وممكن اخضر يعنى حسب ديكور البيت عندك والوانه بس انا اخترت دهبى وفضى عشان بيليقو مع كل الالوان وحنبدأ نرش الاسبريه على المجسم ممكن كله وممكن نخلى جزء الزجاج باين انه زجاج عشان بس يدى شوية فخامه للتحفه قال يعنى ههههههههههههههههههه

اصنعى تحف جميلة D3ada6c6f91416048d3bd66f70849757_lm

انا بدأت هنا بالون الدهبى وبعدين اديت تاتشات بالاسبريه الفضى وبرضو الامر متروك ليكى تلونيه بالطريقه اللى تعجبك وبعد ما تسيبى المجسمات تجف من الاسبريه تيجى الخطوه القبل الاخيره .......

اصنعى تحف جميلة A0a0b73edb1c83bda8919e1496824844_lm

وهنا حنجيب التنر او التربنتينا وبقطعة قماش او قطن او منديل حنبللها بالتنر ونمسح الزجاج من الاسبريه اللى جه عليه اثناء الرش

اصنعى تحف جميلة C6f30db1ba0e19fe196c4998b6815dbb_lm

حناخد الفرشاة والفلوت وندهن المجسم كله

اصنعى تحف جميلة F076cbf186e1d0c8a57686ba3304f712_lm

وصلنا للخطوه الاخيره بعد مانخلص طلى المجسم بالفلوت نبدأ بنثر الجليتر على المجسم نثر عشوئى وبرطو حسب رغبتك ممكن تستغنى عنه اصلا كل الخطوات دى منى مش حاجه اساسيه يعنى

اصنعى تحف جميلة C7609583d5457a7dd5578447adeb35a6_lm

ودا بقى شكل العمل بعد الانتهاء حسيبكم مع الصور بس احب اعلق على الطبق هو مقسم من الداخل 3 اقسام ممكن ينفع بونبونيره بس انا عملته فواحه وحطيتله ورد مجفف بزيت عطرى من باب التغيير يعنى

اصنعى تحف جميلة E6911ecfaeee1f2cf560e4664b5bb3fe_lm

ودا كان العمل من طق طق لسلام عليكم يارب شرحى يكون واضح واكون وصلتلكم الموضوع بحذافيره
منقوووول

المساهمات : 64 تاريخ التسجيل : 13/12/2009

موضوع حلو بجد ومفيد جدا
مشكورة هبهوبة

» رسومات جميلة على حوائط منزلك